من طرف العندليب الخميس يونيو 26, 2014 11:02 pmومن يمته الطوائف جانت تهمني؟؟
أنه لمن عشكتك ما سألت الناس
ولا جنت ادري اصلك شيعي لو سني
شجاك تغيرت وبكلبك انته شصار؟؟
انت تموت بية وجنت تحبني
وجنت اتنفسك وانته الهوه بدنياي
جنت لو تبتعد لحظات .. تخنكني
معقولة الورد ينكر جميل الماي؟؟
انته بهالسهولة تنازلت عني؟؟
ما أنكر مقصر إجت فترة وياك
لكن مو بدية الوكت يجبرني
فت يمك نفط وابين اديك الماي
أنه بناري اشتعل ردتك تخلصني
لكيتك بالعكس مايَك شمرته ابعيد
وجبت النفط بيدك حته تحركني
سولفلك بعد؟ طعم السوالف راح
ردت منك توافي وخيبت ظني
دري الوكت هو الخله كلبك هيج
وادري الطائفية الباكتك مني
قبل لا تبتعد عندي سؤال
ارجوك
فكر وية روحك عود جاوبني :
باجر لو متت وتشوفني بتابوتهم تبجي علية وبعد تذكرني؟؟
أنه لمن عشكتك ما سألت الناس
ولا جنت ادري اصلك شيعي لو سني
شجاك تغيرت وبكلبك انته شصار؟؟
انت تموت بية وجنت تحبني
وجنت اتنفسك وانته الهوه بدنياي
جنت لو تبتعد لحظات .. تخنكني
معقولة الورد ينكر جميل الماي؟؟
انته بهالسهولة تنازلت عني؟؟
ما أنكر مقصر إجت فترة وياك
لكن مو بدية الوكت يجبرني
فت يمك نفط وابين اديك الماي
أنه بناري اشتعل ردتك تخلصني
لكيتك بالعكس مايَك شمرته ابعيد
وجبت النفط بيدك حته تحركني
سولفلك بعد؟ طعم السوالف راح
ردت منك توافي وخيبت ظني
دري الوكت هو الخله كلبك هيج
وادري الطائفية الباكتك مني
قبل لا تبتعد عندي سؤال
ارجوك
فكر وية روحك عود جاوبني :
باجر لو متت وتشوفني بتابوتهم تبجي علية وبعد تذكرني؟؟
