من طرف صمتي شموخي الثلاثاء سبتمبر 16, 2014 1:19 am
مقاديرعجينة طورطة بالكريم باتسييرأصفر 4 بيضات
200 غ سكر كلاصي
500 غ دقيق
250 غ زبدة باردة
ملاحظة : أنا هنا عملت العبار دوبل يعني ممكن تعملو نصف المقادير
طريقة تحضير عجينة طورطة بالكريم باتسيير
كنخلطو الدقيق و الزبدة حتى يولي مرمل وكنجمعوه بأصفر البيض فالأول مكيبغيش يتجمع غير شوية بشوية حتى كيتجمع
كنديروها في كيس بلاستيكي وكنخليوها ترتاح 30 دقيقة فالثلاجة
نطلقوها بالسولفيريزي باش متقطعش ونديروها فالمول نشكها مزيان من الوسط ونعل وسطها سولفيريزي وكمية من الحبوب باش يتقلوها ومتطلعش من الوسط
ونطيبها نصف طيبة ونحيد ليها الحبوب ونخليها تتحمر
مقادير وطريقة تحضير الكريم باتسري بنكهة النيسكافيه
كاس كبير حليب
صفر 2بيضات
2 معالق كبار دقيق او نشا
معالق كبار نيسكافيه
2 معالق كبار سكر او حسب الذوق
كنخلطو المقادير مزيان وكنديروه فوق نار هادئة مع التحريك المستمر حتى يعقاد
مقادير وطريقة تحضيرالكريم باتسري ببودرة اللوز
كاس كبير حليب
2 اصفر بيض
2 معالق كبار دقيق او نشا
2 معالق كبار سكر او حسب الدوق
2 معالق كبار بودرة اللوز
كنخلطو كلشي بحال الكريم باتسيير الاول حتى يعقاد الخليط
كنديرو طبقة من كريم النيسكافي ونخليوها تبرد نديرو فوقها الكريم الثانية ملي يلاه طيبتها حيت إلا طيبت حتى كريم بودرة اللوز غادي تعقد ومنقدرش نوزعها مزيان فوق الكريم الأولى
ها الكريمة منين بردات
الكريمة باقا سخونة وسائلة غادي توزع على الطبقة الأولى بسهولة
منين تبرد الطورطة بالكريم باتسييركنزينوها بالفريز والكيوي او اي فاكهة متوفرة
