ممكن تخليني على صدرك ارتاح
واقولك كل ما مضى من همومي
خلني أبكي وأشتكي كل إجراح
مبطي ونا ما اقول لحد علومي
الدمع عزي وانكسر كل ما طاح
ما كني الا شيخ وضاعت سلومي
يمكن بقربك سود الايام تنزاح
لأني تعبت من الزمن الرخومي
تسألني الناس ! واقلهم طيب ومرتاح
ونا لابس الحزن مثل الهدومي
غريب .. جيتك أشتكي قل الافراح ..
إنتي وطن إنسان كان محرومي
خلني اشتكي من عنا الوقت وارتاح
وابكي على صدرك وابيّح همومي