3 مشترك

طريقة عمل صوابع زينب

لؤلؤة

لؤلؤة: مشرفة مميزة; مزاجي لهذا اليوم :
الجنسية :
ااوسمتي :

25
الابراج :

عدد المساهمات : 4495
نقاط التميز : 5409
تاريخ التسجيل : 09/11/2013

مساهمة رقم 1

طريقة عمل صوابع زينب

من طرف لؤلؤة الإثنين أغسطس 25, 2014 12:37 pm

المقادير:

[rtl]كوبين دقيق[/rtl]

[rtl]نص كوب سميد بسبوسة[/rtl]

[rtl]نص كوب زبدة سايحة او سمنة سايحة +3 ملاعق كبيرة زيت[/rtl]

[rtl]معلقة صغيرة خميرة بيرة او فورية[/rtl]

[rtl]معلقة صغيرة سكر[/rtl]

[rtl]معلقة كبيرة نشا[/rtl]

[rtl]نص كوب مية + معلقة كبيرة مية للعجن[/rtl]

[rtl]فانيلا[/rtl]

[rtl]ربع معلقة صغيرة ملح[/rtl]
التحضير:في بولة نحط الدقيق والسميد والسكر والنشا
والفانيلا والملح
ونعمل حفرة في النص وننزل عليهم بالزبدة السايحة مع الزيت
ونقلب بالمعلقة
وبعدين نحط الخميرة والمية ونعجن
نلاقي العجينة تلمت من الجوانب
نحطها في بولة وندخلها الفرن مطفي
تخمر نص ساعة بسسسس
وطبعا العجينة باين فيها حبيبات السميد
الصغنونة عشان هو ده سر القرمشة
ولما تخمر نقسمها اربع اقسام زي كده
وطرية جدااا لما بتخمر وانا كنت حاسة
انها عاملة زي المخدات ههههههه
ونبرم الكورة الأولانية لعصاية ملزلزة وحلوة زي كده
وبعدين نقطعها بالسكينة مخدات
قصدي قطع مربعة وبجد انا مسكتها عاملة زي المخدة فعلا وطرية
ونجيب قطاعة مخلل الجزر دي
ونبطط عليها مربع من العجينة
ونضغط جااااامد عشان تاخد
شكل الزجزاج ده
وطبعا ممكن نعملها بنفس الطريقة
على مبشرة برده بيبقى شكلها جميييل اوووي
ونبرمها بقى عشان تبقى صوابع زينب العسووولة
ونحط كل الصوابع الاخوات جنب بعضهم اتنين اتنين
نحاول نصغر صوابع زنيب من البداية
عشان هتخمر وتكبر بأمر الله
الطبخ:ودلوقتي جه وقت القلي
واحلى حاجة في صوابع زينب
انها بتتقلي بسرعة اوووي ماشاء الله
لان الزيت بتاعها على نار متوسطة
نسخن زيت ارتفاع مناسب في طاسة يقدح على نار متوسطة
ونحط يجي 15 وحدة صابع زينب
ومش نشيلها الا لما تبقى لونها دهبي محمر كده
عشان لو شيلنها من الزيت وهيا لسة فاتحة
مش هتبقى مقرمشة وهيكون السميد لسة نيء
من جوه لان السميد بياخد وقت شوية في السوى
المهم نشيلها ونحطها على مناديل مطبخ
ونقلي شوية كمااان بسرعة
وكل مانخلص طاستين قلي
نطفي النار عالزيت
ونغطس صوابع زينب اللي تقلت
في الشربااات اللذيييييذ زي كده